ਫੈਕਟ ਸਮਾਚਾਰ ਸੇਵਾ
ਮੁੰਬਈ , ਜਨਵਰੀ 31
ਟੀਵੀ ਅਦਾਕਾਰਾ ਤੇਜਸਵੀ ਪ੍ਰਕਾਸ਼ ਪਿਛਲੇ 121 ਦਿਨਾਂ ਤੋਂ ਕਲਰਸ ਚੈਨਲ 'ਤੇ ਚੱਲ ਰਹੇ ਰਿਐਲਿਟੀ ਸ਼ੋਅ ਬਿਗ ਬਾਸ-15 ਦੀ ਜੇਤੂ ਬਣ ਗਈ ਹੈ। ਸ਼ੋਅ ਦੇ ਹੋਸਟ ਸਲਮਾਨ ਖਾਨ ਨੇ ਉਸ ਨੂੰ ਜੇਤੂ ਐਲਾਨ ਕੀਤਾ। ਉਸ ਨੇ ਕਰਨ ਕੁੰਦਰਾ ਅਤੇ ਪ੍ਰਤੀਕ ਸਹਿਜਪਾਲ ਨੂੰ ਹਰਾ ਕੇ ਇਹ ਜਿੱਤ ਹਾਸਲ ਕੀਤੀ।
ਪ੍ਰਤੀਕ ਫਸਟ ਰਨਰ ਅੱਪ ਅਤੇ ਕਰਨ ਕੁੰਦਰਾ ਸੈਕਿੰਡ ਰਨਰ ਅੱਪ ਬਣੇ। ਤੇਜਸਵੀ ਨੇ ਟਰਾਫੀ ਦੇ ਨਾਲ 40 ਲੱਖ ਦੀ ਇਨਾਮੀ ਰਾਸ਼ੀ ਵੀ ਜਿੱਤੀ ਹੈ। ਪਹਿਲਾਂ ਇਹ ਰਕਮ 50 ਲੱਖ ਸੀ, ਜਿਸ ਵਿੱਚੋਂ ਨਿਸ਼ਾਂਤ ਭੱਟ ਨੇ 10 ਲੱਖ ਲੈ ਕੇ ਆਪਣੀ ਮਰਜ਼ੀ ਨਾਲ ਸ਼ੋਅ ਛੱਡ ਦਿੱਤਾ ਸੀ। ਅਸਲ 'ਚ ਕਰਨ, ਤੇਜਸਵੀ, ਪ੍ਰਤੀਕ, ਨਿਸ਼ਾਂਤ ਅਤੇ ਸ਼ਮਿਤਾ ਸ਼ੈੱਟੀ ਦੇ ਨਾਲ ਆਖਰੀ ਪੰਜ ਮੁਕਾਬਲੇਬਾਜ਼ ਪਹੁੰਚੇ ਸਨ। ਸਾਰੇ ਪੰਜ ਮੁਕਾਬਲੇਬਾਜ਼ਾਂ ਨੂੰ 10 ਲੱਖ ਦੀ ਰਕਮ ਨਾਲ ਫਿਨਾਲੇ ਤੋਂ ਬਾਹਰ ਹੋਣ ਦੀ ਪੇਸ਼ਕਸ਼ ਕੀਤੀ ਗਈ ਸੀ। ਨਿਸ਼ਾਂਤ ਪਹਿਲਾਂ ਬਜ਼ਰ ਦਬਾ ਕੇ 10 ਲੱਖ ਰੁਪਏ ਲੈ ਕੇ ਚਲਾ ਗਿਆ।
ਜੇਤੂ ਦੀ ਘੋਸ਼ਣਾ ਤੋਂ ਪਹਿਲਾਂ, ਸ਼ਮਿਤਾ ਨੇ ਆਪਣੇ ਬੁਆਏਫ੍ਰੈਂਡ ਰਾਕੇਸ਼ ਬਾਪਟ ਅਤੇ ਕਰਨ ਨੇ ਤੇਜਸਵੀ ਨਾਲ ਡਾਂਸ ਕੀਤਾ। ਜਦੋਂ ਕਿ ਪਿਛਲੇ ਸੀਜ਼ਨ ਦੇ ਜੇਤੂ ਗੌਤਮ ਗੁਲਾਟੀ, ਗੌਹਰ ਖਾਨ, ਰੁਬੀਨਾ ਦਿਲਿਕ, ਉਰਵਸ਼ੀ ਢੋਲਕੀਆ, ਸ਼ਵੇਤਾ ਤਿਵਾਰੀ ਨੇ ਆਪਣੇ ਪ੍ਰਦਰਸ਼ਨ ਨਾਲ ਬਿੱਗ ਬਾਸ ਦੇ 15 ਸਾਲ ਪੂਰੇ ਕੀਤੇ। ਇਸ ਦੌਰਾਨ ਫਿਲਮ 'ਘੇਰੀਆਂ' ਦੀ ਟੀਮ ਤੋਂ ਦੀਪਿਕਾ ਪਾਦੂਕੋਣ, ਅਨੰਨਿਆ ਪਾਂਡੇ, ਸਿਧਾਰਥ ਚਤੁਰਵੇਦੀ ਅਤੇ ਧੀਰਿਆ ਕਰਵਾ ਵੀ ਆਪਣੀ ਫਿਲਮ ਦੀ ਪ੍ਰਮੋਸ਼ਨ ਲਈ ਪਹੁੰਚੇ। ਸ਼ੋਅ ਦੌਰਾਨ ਸ਼ਹਿਨਾਜ਼ ਗਿੱਲ ਬਿੱਗ ਬੌਸ-13 ਦੇ ਵਿਜੇਤਾ ਮਰਹੂਮ ਅਦਾਕਾਰ ਸਿਧਾਰਥ ਸ਼ੁਕਲਾ ਨੂੰ ਸ਼ਰਧਾਂਜਲੀ ਦੇਣ ਪਹੁੰਚੀ।
Facebook Page: https://www.facebook.com/factnewsnet
See videos: https://www.youtube.com/c/TheFACTNews/videos
The post Bigg Boss 15 ਦੀ ਜੇਤੂ ਬਣੀ ਤੇਜਸਵੀ ਪ੍ਰਕਾਸ਼ appeared first on The Fact News Punjabi.
